Badira hiru hamarkada pasatxo teknologia digitala pertsona gehienen eguneroko bizitzara iritsi zela. Denbora horretan guztian, teknologia horrek aldaketa handiak ekarri ditu, pertsonen bizitzako alderdi askori eragiten dietenak, bai pertsonalei eta intimoei, bai publikoei eta sozialei. Sexualitatearen alderdi askoren bizipena digitalizatu egin da, hala nola sedukzio eta gorteatze prozesuak, lehen harreman erotiko partekatuetarako sarbidea, bikotearen eraikuntza eta baita pertsonek beren nortasuna eraikitzeko duten modua ere.

Hain da horrela, gaur egun ezin zaiola sexualitateari modu integralean heldu, gai digital horiek guztiak alde batera utzita. Oinarrizko akatsa da hezkuntza digitala sexu-hezkuntzarekiko independentea dela pentsatzea, eta, beraz, hezkuntzan diharduten pertsona guztiek beren hezkuntza-agenda digitalizatu ahal izateko beharrezko prestakuntza eta baliabideak behar dituzte.

Gure seme-alabek Internet eta teknologia digitala ondo erabil ditzaten baliabide nahikorik al ditugu? Baliabide horiek falta direnean, familia askok debekua bide bakartzat erabiltzen dute. Hala ere, debekatzea ez da heztea, eta debekuaren bidez ez da lortzen adingabeek digitalaren erabilera arduratsua egiten ikastea. Artikulu honetan, hezkuntza arlo honetan lagungarri izan dakizukeen ideia batzuk aurkituko dituzu.

Hemen aurkitu dezakezu egin dugun kanpainaren materiala; Gasteizko Udalarentzako egin dugu, Gazteria Zerbitzuaren bitartez, eta Berdintasun Zerbitzuarekin koordinatuta. Formatu digitalean egindako zenbait komikik eta unitate didaktikok (unitate bana komiki bakoitzeko) osatzen dute kanpaina. Eskura dituzte gazteentzako zein gazteekin diharduten eragileek. Komikietan lagun-talde gazte batek bizi dituen gorabeherak kontatzen dira, zenbait gairi buruz hausnarketa egiteko aitzaki: … Leer más