Emaize gara

Emaize Sexologia Zentroak ongi etorria ematen dizu, eta alor honetan egiten duen lana ezagutzera gonbidatzen zaitu.
Gasteizen gaudelarik, erreferentziazko zentroa gara bertan eta inguruetan. Emakume zein gizonezkoen ezagutza sustatzeko lanean dihardugu 1994az geroztik, hezkuntzaren, prestakuntzaren, aholkularitzaren, terapiaren eta esku-hartze sozio-komunitarioaren bidez.
Adin guztietako pertsonei zuzentzen dizkiegu gure zerbitzuak.

Zertxobait gehiago gure lantaldeari buruz:

Gure xedea sexualitateek bizitzaren alor ugaritan erakusten dituzten adierazpenak jorratzea da, hartara gizon eta emakumeei modu betegarrian bizitzen laguntzeko, betiere aniztasun ederrean.

EMAIZE sexualitatearen ikuspegi integratzaile eta baikor batean oinarritzen da, eta kontuan hartzen ditu emakume eta gizonezkoen adierazpen-modu anitz eta ugariak.

Arlo intimoenetatik (pertsona, bikotea…) eremu publikoenetara (komunikabideak, erakundeak, eskola….) eskaintzen ditugu gure zerbitzuak.

Terapiaren alorreko lantalde mistoak gertutasuna eskaintzen du, baita sexu bateko edo besteko terapeuta hautatzeko aukera ere.

Aholkularitza eta prestakuntza eskaintzen dizkiegu erakunde publiko eta pribatuei. Ikastaro, hitzaldi, lantegi, prestakuntza-programa eta kanpainak antolatzen ditugu zenbait gairi buruz: sexu-identitatea, erotika, gorputza, desiraren orientazioa…

Aisialdiaren alorrean, jolasa erabiltzen dugu ikaskuntza-tresna gisa.

Gure lantaldea diziplinartekoa eta kualifikazio handikoa da, goi-mailako prestakuntza dauka sexologiaren alorrean, eta lan-eskarmentu handia, eta horrek guztiak enpatia, konfidentzialtasuna eta tratu hurbila ezaugarri dituen arreta profesionala bermatzen dute.

Euskaraz zein gazteleraz eskaintzen ditugu zerbitzuak.

Gure lantalde profesionalak sexologiako Profesionalen Estatuko Elkarteak (AEPS) ezarritako kalitate eta gaitasun baldintzak betetzen ditu. AEPS sexu-osasunerako munduko elkarteko (World Association for Sexual Health, WAS) kidea da.

IUNIVES eta EHUren zentro kolaboratzailea gara, praktiketan ari diren ikasleentzat.

Gure zentroak egunean ditu lan- eta zerga-betebehar guztiak.

Gehiago jakin nahi baduzu gure lan egiteko moduaz, zalantzaren bat kontsultatu nahi badiguzu, terapiarik egin nahi baduzu gurekin, edo interesik baduzu gure prestakuntza programen inguruan, ez ezazu gehiago itxaron. Zuri laguntzeko gaude.