Lourdes Pérez Jiménez

lpj@emaize.com
945 265 896

Bizitza dut akuilu, pertsonak…. gizon eta emakumeen aniztasuna!

Nire burua ezagutzen eta aberasten joan naiz hainbat esperientziek emandako bizipenen bidez, besteak beste: begirale Gurutze Gorrian, gazteen alorreko teknikari gazte-klubetan (Arianta aisialdiko elkartean), gorputz-adierazpeneko eta psikomotrizitateko begirale APDEMAn, hezitzaile Udalaren haur-eskoletan eta adingabeentzako etxebizitzetan.

Psikologia ikasten jarraitzearekin bat, klinikako laguntzaile eta gorputz-adierazpeneko teknikorako prestatu nintzen, “Mens sana in corpore sano”.

Bidean ikasitako guztiarekin, eta pertsona bakoitza ahalik eta ondoen senti dadin laguntzeko gogoz gainezka, abenturan batean murgildu nintzen beste lankide batzuekin batera, eta hortik sortu zen EMAIZE, 1993an.
Nire burua prestatzeko ahaleginari inoiz utzi gabe, Sexologiako Masterra egin nuen UHUNen (UNED gaztelaniaz); urrutiko hezkuntza izateak lagundu egin zidan nire alabaren hazkuntza, bikoteko harremana eta lana uztartzen, eta hiruez gozatu ahal izan nuen.

Gaur egun, EMAIZEko zuzendarietako bat naiz, eta kudeaketa- eta koordinazio-lanak egiten ditut bertan, batez ere terapiarekin zerikusia duen guztian.
Ikasten jarraitzen dut, ikasteko horretan arreta osoa jarrita, eta espero dut horrela jarraitzea aurrerantzean ere; orain artekoan 25 urtetik gorako bidea egin ostean, pribilegio hutsa iruditzen zait maite dudan horretara emanda bizi ahal izatea.

Ez diot inoiz utzi maila pertsonal zein profesionalean hazteari, eta hor jarraitzen dut, aldian-aldian neure burua pixka bat hobeto ezagutzen, eta bizitzaren une orori duen zukua ateratzen!

Prestakuntza:

  • Psikologiako lizentzia. EHU, 1990.
  • Giza sexualitateko aditu titulua. UHUN, 1998.
  • Klinikako laguntzaile teknikoa, 1983.
  • Adiskidetze alorreko agentea. Gazteen Euskal Behatokia, 2007.
  • Adierazpen-tekniketako espezialista titulua. Bartzelona, 1990.
  • Gorputz-Adierazpeneko eta Animazioko begiralea. Donostiako Gorputz-Adierazpeneko Eskola-Lantegia, 1990.
  • Sexu-terapia sistemikoa. Euskadi eta Nafarroako Famili Terapia Eskola, 2004.
  • Aukera-berdintasunari buruzko ikastaroa: Aplikazio praktikoa Gizarte Zerbitzuetan. Emakumearen Erakundea eta Aukera Berdintasunekoa, 2016.
  • Mindfulness-a osasun-arloko profesionalentzat. EHU, 2020.
  • Emakumeen kontrako indarkeriaren biktimak artatzen dituzten profesionalentzako prestakuntza-ikastaroa. Jabetuz-Emakunde, 2020.
  • Sexu-dibertsitateari buruzko ikastaroa. EHU, 2020.
  • Arabako Psikologia Elkargo Ofizialeko bazkidea, AA00609 zenbakiduna.
  • Sexologiako Profesionalen Estatuko Elkarteko (AEPS) bazkidea, 337 zenbakiduna.

Lan-eskarmentua Emaize Sexologia Zentroan:

1993etik hona:

  • Sexu-koterapia bikoteekin.
  • Banaka zein bikotekako terapia.
  • Sexu-Terapiako Gainbegiratze taldeko partaidea.
  • Tutorea, Psikologiako bi graduetako (Psikologia eta Hezkuntza Fakultatea, Deustuko Unibertsitatea; Psikologia fakultatea, EHU) eta zenbait masterretako (Sexologia eta Sexu-Hezkuntza eta -Aholkularitzako Master Ofiziala, IUNIVES; Emakume eta Gizonen berdintasunaren gaineko Masterra: Berdintasun Agenteak, EHU) praktika-programetan.
  • Venia Docendi EHUn, praktiketako ikasleen prestatzaile gisa.
  • Sexu-hezkuntza: Sexu-hezkuntzako zikloen sustapena, kudeaketa, koordinazioa eta irakasle-lana.
  • Tratu oneko harremanak: tratu oneko harremanei buruzko programen sustapena, kudeaketa, koordinazioa eta irakasle-lana.
  • Sexualitate anitzak: zenbait programa integralen (talde hezitzailea, familiak, erabiltzaileak) sustapena, kudeaketa eta koordinazioa hainbat elkartetan.
  • Eragile sozialen prestakuntza: sexualitateen artaren prestakuntza-saioen sustapena, kudeaketa, koordinazioa eta irakasle-lana. Ingurune digitalean, EnRedados proiektua, Sexagerian kolektiboarekin batera, eta “Sexualitate digitalak” prestakuntza-programa, online .
  • Sexu alorreko ikerlana, beste batzuekin batera, sexualitatea eta gaztaroari buruzko zenbait ikerketa kualitatibotan
  • Partaidetza zenbait erakunderen hainbat alorretako (gazteria, berdintasuna…) planen diseinuan.
  • Komunikabideak: ohiko kolaborazioa zenbait komunikabidetan.
  • Aholkularitza eta babesa, Sedra-FPFE buru duen Populazioa, garapena eta sexu- eta ugaltze-eskubideei buruzko Eusko Legebiltzar-taldearteko idazkaritza teknikoari.