Sexu- eta bikote-terapia

Uneotan, inoiz baino beharrezkoagoa da arreta egitea norberaren burua zaintzeari. Horrexegatik, EMAIZEn bide horretan jarraitzen dugu. Sexu-terapiako zerbitzua –banakakoa zein bikotekoa– AURREZ AURRE ez ezik, modu BIRTUALEAN ere eskaintzen dugu

AURREZ AURRE ETA ONLINE

Aurrez aurre eta online terapia:

Modu bata zein bestea hautatzen duzula ere, konfidentzialtasuna eta pribatutasuna bermatzen dizkizugu. Gure 20 urteko eskarmentuak hala bermatzen du.
Gurekin harremanetan jar zaitezke EMAIZEra deituta (945 265 896 telefonoa), edo zuzenean gure terapeuta-talde mistoarekin: Lourdes Pérez Jiménez (lpj@emaize.com) eta Eduardo Urzelai Quintana (euq@emaize.com).

Behar duzun guztian lagunduko dizugu.

Zerbitzuaren hartzaileak

Kezka sortzen dieten edo hobetu nahi duten ororen inguruan une batez geratu eta jorratu nahi duten norbanako zein bikoteak…

Hobeto sentitzeko laguntza behar duen pertsona oro.

Gure lan-ikuspegia

Edonori gerta dakioke une jakinen batean gaindituta sentitzea, galduta, holako edo halako inguruabarren aurrean (lan-presioa, desiraren galera, haurren hazkuntza), eta horien ondorioz ondoeza eragitea, nola norberari, baita norberarentzat garrantzitsuak diren pertsonei ere.

Nahiz eta antzeko egoerak bizi, bere era berezian erantzungo die gutako bakoitzak. Pertsona edo bikote orok holako edo halako baliabideak jar ditzake jokoan, horien bidez ahalik eta hobekien sentitu ahal izateko beharrezko diren aldaketak egin ditzan.

Terapia lagungarria da norberaren baliabideak egoki erabiltzen ezean, kanpoko norbaiten beharra dugunean. Halakoetan, laguntza profesionalak lortu nahi diren aldaketak –nola eremu pertsonalean, hala harremanen eremuan eta erotikoan– bultzatuko dituen denbora, espazioa eta estrategiak bideratzen ditu.

EMAIZEren jarduera-markoa sexologikoa da, eta gure eredu terapeutiko erreferentea, berriz, konponbideetan oinarritutako eredu sistemikoa. Ikuspegi horren arabera, pertsonak harreman- eta interakzio-testuinguru batean kokatzen dira, zeinean sortzen baitira bai zailtasunak, bai eta konponbideak ere. “Hemen”dik eta “orain”etik abiatuta egiten dugu lan, bi parametro horietan finkatuta eragin nahi dugun aldaketara eramango gaituen mugimendua aktibatzeko asmoz.

Jorratzen ditugun gaiak

Sexu-terapia:

Norbanaka zein bikoteka jorratzen ditugu izatearekin, desirekin, intimitateekin eta abarrekin lotutako zailtasunak.

● Bikote-terapia:

Bikotea –homosexuala zein heterosexuala– partaideen batura hutsa gainditzen duen eta zabalagoa den harreman-unitate gisa ulertzen dugu. Bertan hiru errealitate daude batera eta aldi berean: NI delakoa, ZU delakoa, eta GU delakoa. Zuen ondoan, “GU” delakoaren hobetzen lagunduko dizuegu.

Bereziki zuzenduta:

Banakoentzat
Bikoteentzat

Saioak izan daitezke:

Aurrez aurre
Modu telematikoan

Gure bermeak:

Konfidentzialtasuna
Pribatutasuna
Tratu profesionala

Tarifa:

Banakakoa: 67€  saioko
Bikotekoa: 82€  saioko

% 15eko deskontua
(1. saioa eta egoera berezietan.)

Zentro baimendua:

Eusko Jaurlaritzako Osasun Sailaren osasun-baimena. Erregistro-zenbakia: 01C.2.2.10036

Gehiago jakin nahi baduzu gure lan egiteko moduaz, zalantzaren bat kontsultatu nahi badiguzu, terapiarik egin nahi baduzu gurekin, edo interesik baduzu gure prestakuntza programen inguruan, ez ezazu gehiago itxaron. Zuri laguntzeko gaude.

Ezagutu itzazu gure zerbitzuak.

Sexu-hezkuntza

Sexuen hezkuntza kalitatez garatu eta eskaini nahi duten ikastetxe zein elkarteei zuzendua..
+ Hezkuntza

Prestakuntza sexualitateen alorrean

Sexualitateak lantzeko tresnak behar eta nahi dituzten gizarte-eragileei zuzendua.
+ Prestakuntza

Aholkularitza sexologikoa

Egoera jakin batzuei aurre egiteko orduan zalantza pertsonal edo profesionalak dituztenei zuzendua.
+ Aholkularitza

Esku-hartze sozio-komunitarioa

Sexualitateak eta sexu-aniztasunaren aberastasuna ikusarazi nahi dituzten erakundeei zuzendua.
+ Esku-hartze sozio-komunitarioa

Komunitatearentzako zerbitzuak

Gizarte-hobekuntzari egiten diogun ekarpen altruista.
+ Komunitatearentzako zerbitzuak