Ziurgabetasun-une hauetan, beharrezkoa da arreta eta zaintza gutako bakoitzarengan jartzen jarraitzea. Beraz, sexu-terapiaren zerbitzua -banakakoa eta bikotekoa- eskaintzen jarraitzen dugu, orain modu birtualean ere, online plataformen bidez (Skype nagusiki).
Gure zentroarekin harremanetan jar zaitezke 945 265 896 telefonoara deituz edo erantzungailuan mezua uzten, baita gure kideekin zuzenean harremanetan jarriz: Eduardo Urzelai Quintana: euq@emaize.com eta Lourdes Pérez Jiménez: lpj@emaize.com.
Behar duzuen guztian laguntzen jarraitzen dizuegu.
Nori zuzendua: banakako pertsonei, bikoteei, familiei eta abarri.
Terapia lagungarria da norberaren baliabideak nahikoak ez direnean. Laguntza profesionalak denbora, espazio eta tresna jakin batzuk eskaintzen ditu, eremu pertsonalean zein harremanetakoan lortu nahi diren aldaketak sustatzen saiatzeko.
Banakako terapian, norbere burua gizon edo emakume gisa bizitzeagatik norberaren estimuan eragiten duten zailtasunak lantzen dira.
Bikote- eta familia-terapiari dagokionez, laguntza eskaintzen dugu komunikazio arazoei, negoziazio auziei, mugen kudeaketari, etxeko lanetako banaketa-desberdintasunei, desleialtasunari eta abarrei aurre egiteko.
Sexu terapiari dagokionez, desirekin eta topaketa erotikoetako intimitatearekin lotutako gaiak jorratzen ditugu. Sarritan jorratzen ditugun gaiak dira, besteak beste kitzikapena, erekzioa, eiakulazioa, plazera, orgasmoak, desirak, sexu-identitatea (transexualitatea…) eta desioaren orientazioa (homosexualitatea…).
EMAIZEren jarduera-markoa sexologikoa da, eta konponbideetan oinarritutako eredu sistemikoa gure eredu terapeutiko erreferentea, nahiz eta kontuan hartzen ditugun beste eredu asko ere. Hitza da erabiltzen dugun lan-tresna nagusia.
Bisiten maiztasuna bi irizpideren araberakoa izango da: batetik, terapia eskatzeko arrazoia, eta bestetik, delako pertsonak edo bikoteak nola kudeatzen duen irtenbidera daraman aldaketa.
Datu Pertsonalak Babesteko Legeari jarraiki, terapia-saioetan konpartitzen den informazio guztia eta zentroan tratatzen ditugun datu pertsonal guztiak erabat isilpekoak dira.
Deskontuak egiten dizkiegu sarrera urriko pertsonei eta langabezian dauden gazteei, baita lehen hitzorduan ere.
Gogora ezazu terapia alorreko lantaldea mistoa dela – Eduardo Urzelai eta Lourdes Pérez –, zuk zeuk aukeratu dezazun. Informazio gehiago behar baduzu, edo zalantzaren bat argitu nahi baduzu, jar zaitez harremanetan terapia alorreko arduradunarekin edo eska egiguzu hitzordua.
Gure zentroak Eusko Jaurlaritzako Osasun Sailaren osasun-baimena du. Erregistro-zenbakia: 01C.2.2.10036.
Kontsultatu gure zerbitzu guztiak
Hezkuntza
Sexuen heziketa kalitatez garatu eta eskaini nahi duten ikastetxe zein elkarteentzat. Gehiago jakiteko
Prestakuntza
Sexualitateak lantzeko tresnak behar eta nahi dituzten gizarte-eragileentzat. Gehiago jakiteko
Aholkularitza
Egoera jakin batzuei (hezkuntzan, elkarteen munduan…) aurre egiteko orduan zalantza pertsonal edo profesionalak dituztenentzat. Gehiago jakiteko
Terapia
Sexuaren edo bikote-harremanen alorretan zailtasun jakin batzuei aurre egiteko laguntza behar duten pertsona eta bikoteentzat. Gehiago jakiteko
